ठाणे आणि बोरीवली दरम्यान ट्विन ट्युब रोड बोगदा

ठाणे ते बोरीवली दरम्यान दोन भयुारी मार्ग आणि बोगद्या जवळचा मार्ग व इतर नागरी बांधकामाची कामे करणे.

मुंबई महानगर प्रदेशातील वाहतूक व परिवहन व्यवस्थेमध्ये सुधारणा करण्याच्या दृष्टीने प्राधिकरणाने ११.८५ किमी लांबीच्या संजय गांधी राष्ट्रीय उद्यानांतर्गत ठाणे आणि बोरिवली दरम्यान दुहेरी भुयारी मार्गाचे बांधकाम करण्याचे हाती घेण्यात आले आहे.

सदर प्रकल्पाची एकूण लांबी ११.८४ कि.मी. असून त्यापैकी बोगद्याची लांबी १०.२५ कि.मी. व पोचमार्गांची लांबी १.५९ कि.मी. आहे. सदर बोगद्यांचा व्यास १३.३ मी (२ मुख्य मार्गिका + १ आपत्कालीन मार्गिका) इतका आहे. सदर प्रकल्पामुळे ठाणे आणि बोरिवलीचा प्रवास १२ किमी ने कमी होईल आणि सुमारे १ तास वेळेची बचत होईल.

प्रकल्पाची अंदाजित बांधकाम किंमत ₹. १६६००.४० कोटी (भुसंपादनासह) असून सदर अंदाजित किंमतीस प्राधिकरणाने दि. १० मार्च २०२३ रोजी प्रशासकीय मान्यता दिली आहे.

प्राधिकरणाच्या दिनांक ०४ मे २०२३ रोजीच्या २७५ व्या कार्यकारी समितीच्या बैठकीत मे. मेघा इंजिनिअरिंग अँड इन्फ्रास्ट्रक्चर लि. यांची कंत्राटदार म्हणून नियुक्ती करण्यात आली (पॅकेज-१ करिता ₹ ६,१७८ कोटी आणि पॅकेज-२ करिता ₹ ५,८७९ कोटी लघुत्तम देकार प्राप्त). सदर प्रकल्पाचे कामास दिनांक १९ मे २०२३ रोजी सुरुवात झाली.

मे. हिल इंटरनॅशनल प्रोजेक्ट मॅनेजमेंट इंडिया प्रायव्हेट लिमिटेड - मे. टाटा कन्सल्टिंग इंजिनियर्स लिमिटेड (जेव्ही) या सल्लागारास दि.२०/०६/२०२४ रोजी कार्यारंभ आदेश (Notice to Proceed) देण्यात आलेले आहेत.

शासनाने सदर प्रकल्पास दिनांक १४ ऑक्टोंबर २०२४ रोजीच्या शासन निर्णयान्वये राज्य शासनाचे बिनव्याजी दुय्यम कर्ज सहाय्य देण्यास व इतर प्रकल्प अनुषंगिक बाबी जसे की, बाह्य कर्ज सहाय्य/इतर वित्तीय संस्थांमार्फत कर्ज उभारण्यासाठी मान्यता देण्यात आली आहे. तसेच सदर प्रकल्प “महत्त्वपूर्ण नागरी वाहतूक प्रकल्प” व “निकडीचा सार्वजनिक प्रकल्प” म्हणून घोषित करण्यात आला आहे.