मुंबईच्या वाहतूक व्यवस्थेशी संबंधित अनेक संघटना आणि विभाग कार्यरत आहेत. सर्व स्थानिक संस्था या एकमेकांशी संबंधित कार्यरत असून या संस्था धोरण, मूलभूत पायाभूत सुविधा, निधी, संचलन आणि नियंत्रण यासाठी जबाबदार आहेत. मुंबईची वाहतूक व्यवस्था सक्षम करण्यासाठी सर्व संबंधित विभाग आणि संघटनांमध्ये एकात्मता आणि समन्वयाची नितांत गरज आहे.

महानगर प्रदेशातील सार्वजनिक वाहतूक व्यवस्था सुधारण्यासाठी मुंबई, मुंबई उपनगरे आणि विभागातील विविध वाहतूक संबंधी समस्या सोडवण्यासाठी महाराष्ट्र शासनाने दिनांक 12 फेब्रुवारी, 2008 रोजीच्या शासन निर्णयानुसार एकिकृत मुंबई महानगर परिवहन प्राधिकरण (Unified Mumabi Metropolitan Transport Authority) ची स्थापना मा. मुख्य सचिवांच्या अध्यक्षतेखाली केली आहे.

महाराष्ट्र शासनाने दिनांक 4 जानेवारी 2010 च्या शासन निर्णयानुसार मुख्य समितीला मदत करण्याच्या उद्देशाने प्रधान सचिव, नगर विकास विभाग यांच्या अध्यक्षतेखाली कोअर कमिटीची रचना निर्दिष्टीत केली आहे.