श्री भूषण चौधरी,
उप संचालक नगर रचना (उ. सं. न. र.)

मुंबई महानगर प्रदेश विकास अधिनियम, 1974 मधील कलम 17(3) मध्ये सुधारणा केल्याप्रमाणे महानगर आयुक्त, मुंमप्रविप्रा यांना मुंबई महानगर प्रदेश अधिनियमातील कलम 17(1) अन्वये प्राधिकरणामार्फत अंमलबजावणी करण्यात येणाऱ्या प्रकल्पांमध्ये बाधित होणाऱ्या प्रकल्पग्रस्तांच्या पुनर्वसनासाठी झोपडपट्टी पुनर्वसन योजना राबविण्याकरीता "झोपडपट्टी पुनर्वसन प्राधिकरण" म्हणून मान्यता देण्यात आली. कलम 17(3) अन्वये महानगर आयुक्त, मुंमप्रविप्रा यांना झोपडपट्टी पुनर्वस्न प्राधिकरणाचे अधिकार प्रदान करण्यात आले. तसेच मुख्य कार्यकारी अधिकारी झोपडपट्टी पुनर्वसन प्राधिकरण यांना महाराष्ट्र प्रादेशिक आणि नगररचना अधिनियम, 1966 अन्वये असलेले अधिकारही महानगर आयुक्त यांना प्रदान करण्यात आले. त्यामुळे महानगर आयुक्त, मुंमप्रविप्रा हे "डिम्ड एसआरए" आहेत

झोपडपट्टी पुनर्वसनाचे प्रस्तावांची छाननी करणे तसेच विकास नियंत्रण नियमावलीच्या तरतुदीनुसार आणि झोपडपट्टी पुनवर्सन मार्गदर्शक तत्वांच्या आधारे पुढील परवानग्या देण्याचे कार्य प्राधिकरणात स्थापन करण्यात आलेल्या झोपडपट्टी पुनर्वसन विभागामार्फत करण्यात येते. सदर योजने अंतर्गत काही अपवादात्म्क स्थित झोपडपट्टी पुनर्वसन प्रकल्प सोडता बहुतांशी प्राधिकरणाने प्रकल्पग्रस्तांसाठी खाजगी व मोकळया भुखंडावर झो.पु. योजना मंजूर केल्या आहेत. सदर सदनिका हया खाजगी विकासकामार्फत जमिन व बांधकाम विकास हस्तांतरण हक्क (टिडीआर) या तत्वावर बांधण्यात येतात. त्यामुळे सदर पुनर्वसन सदनिका प्राधिकरणास विनाशुल्क प्राप्त होतात.