गोराई-मनोरी करमणूक पर्यटन विकास क्षेत्र

मुंबई महानगर प्रदेशाच्या सुधारीत प्रादेशिक आराखडा 1996-2011 मध्ये पर्यटन विकासासाठी संभाव्य क्षेत्र ओळखून आरक्षित करण्यात आले होते. मुंबई महानगरपालिकेमधील गोराई-मनोरी व मिरा-भाईंदर महानगरपालिकेमधील उत्त्न चौक हे असेच क्षेत्र आहे. प्रादेशिक आराखडयातील शिफरशींनुसार शासनाने गोराई-मनोरी-उत्त्न या क्षेत्रासाठी मुंबई महानगर प्रदेश विकास प्राधिकरणाची "विशेष नियोजन प्राधिकरण" म्हणून ऑगस्ट्, 2004 मध्ये नियुक्ती केली.

तथापि, मध्यंतरी दिनांक 9 एप्रिल, 2007 ते दिनांक 30 नोव्हेंबर, 2007 या कालावधीसाठी शासनाने महाराष्ट्र पर्यटन विकास महामंडळ (म.प.वि.म.) ची या क्षेत्रासाठी "विशेष नियोजन प्राधिकरण" म्हणून नियुक्ती केली होती आणि आता पुन्हा दिनांक 1 डिसेंबर, 2007 च्या अधिसूचनेद्वारे मुंबई महानगर प्रदेश विकास प्राधिकरणाची "विशेष नियोजन प्राधिकरण" म्हणून नियुक्ती केली आहे.

या अधिसूचित क्षेत्रातील भूखंडाच्या विकसनाच्या प्रस्तावांस बांधकाम प्रमाणपत्र (Commencement Certificate) देण्याबाबतची जबाबदारी महानगर आयुक्तांनी नगर व क्षेत्र नियोजन विभागाकडे सोपविली आहे.

या अहवाल वर्षात अधिसूचीत क्षेत्रातील भूखंडाच्या विकसनासाठी बांधकाम प्रमाणपत्राबाबतीच प्रकरणे मुंबई महानगर प्रदेश विकास प्राधिकरण, बृहन्मुंबई महानगरपालिका व मिरा-भाईंदर महानगरपालिका यात चर्चा होऊन यात मान्य् झालेल्या पध्दतीनुसार (दिनांक 11 मे, 2005 चे पत्र) तपासण्यात आली व त्यानुसार 3 प्रकरणी प्राथमिक परवानगी, देण्यात आली. गोराई-मनोरी करमणूक पर्यटन विकास क्षेत्रामध्ये विकास परवानगी देताना अहवाल वर्षात अर्जदारांकडून 2,47,032/- इतके विकास शुल्क आकरण्यात आले.